Joan edukira

DUDANET: Abiadura adierazteko modu egokia

egilea: Urtzi Barrenetxea Iparragirre, 

Abiadura adierazteko modu egokiak zalantzak sor ditzake. Hala, magnitude horren laburtzapena deklinatzeari buruzkoa da Dudanet (leiho berri batean irekitzen da) zerbitzuan erantzundako kontsulta hau.

Galdera

Egun on:

Nola idatzi beharko genuke, 100 km/h abiadura ala 100 km/h-ko abiadura? Eta esan?

Eskerrik asko

 
Erantzuna

Aipatzen duzun egitura honela idatzi beharko litzateke: 100 km/h-ko abiadura. Irakurtzean, aldiz, hauxe da forma zuzena: “orduko ehun kilometroko abiadura”.

Abiadura adierazteko, beste forma hau ere erabil daiteke; alegia, deklinabide kasu gabe:

Abiadura: 100 km/h.

Kasu horretan, bi modutara irakur daiteke: “orduko ehun kilometro” zein “ehun kilometro orduko”.

Baina aipatu duzun kasuan, ahoskatzeko aukera bakarra hobesten da.

 

Informazio gehiago:

ZUBIMENDI, Joxe Ramon. Ortotipografia. Vitoria-Gasteiz: Eusko Jaurlaritzaren Argitalpen Zerbitzu Nagusia, 2004. (41. or.)

 

 
Mota horretako zalantzaren bat sortu zaizu esku artean duzun testuan? Bidali egiguzu Dudanet (leiho berri batean irekitzen da) zerbitzura, 24 orduko epean erantzungo dizugu.

Euskadi, auzolana